သင် . . .အင်တာဗျူးတစ်ခုဖြေပြီးတိုင်း သင်ဘာ​တွေရခဲ့လဲ ❓

image
ကျွန်​တော်တို့ အင်တာဗျူး တစ်ခု​ ဖြေပြီးတိုင်း ထို အင် တာဗျူးမှာ ကျွန်​တော်တို့ သတိထားမိ​သော လိုအပ်ချက်များရှိသလို ၊ ကျွန်​တော်တို့ ကိုယ်တိုင် သတိမထားမိဘဲ ပြုမူမိလိုက်​သော အရာများလဲရှိပါတယ် . .

ထိုအရာများဟာ အင်တာဗျူးမှာ ကိုယ်ဖော်ပြလိုက်တဲ့ အကြောင်းအရာ စကားလုံး​များဖြစ်နိုင်သလို၊ ကိုယ်သတိမထားမိတဲ့ ကိုယ့်ရဲ့ "Body action​" လေးတစ်ခုလဲ ဖြစ်နိုင်ပါတယ်။ ထိုအရာ​တွေကို အင်တာဗျူး တစ်ခု​ဖြေပြီးတိုင်း ကိုယ်ဘယ်​နေရာ​လေး​တွေ လိုအပ်သွားလဲ ပြန်လည်သုံးသပ်ပြီး ​နောက်ထပ် အင်တာဗျူးများအတွက် ပိုမိုပြည့်စုံ​ကောင်းမွန်​အောင် ပြင် ဆင်ထားသင့်ပါတယ်။

စာဖတ်သူတို့မြင်​အောင် ကျွန်​​တော့်ရဲ့အ​တွေ့ကြုံ​လေးနဲ့ယှဥ်ပြီး ပြောပြချင်ပါတယ် . . .

ကျွန်​တော့်အ​နေနဲ့ အ​တွေ့အကြုံမရှိ​သေးခင် အ​​ခြေအ​နေတစ်ခုမှာ Company အများစုဆီ အင်တာဗျုးဝင်ခဲ့ပြီး ပထမဆုံး အင်တာဗျူးမှာ ကျွန်​တော့်အ​နေနဲ့ လိုချင်တဲ့ရလာဒ်ကို မရရှိခဲ့ပါဘူး။

ထိုအင်တာဗျူး ​ဖြေအပြီး ကျွန်​​တော်ရဲ့ အင်တာဗျူး​ဖြေဆိုပုံကို ပြန်လည်သုံးသပ်ကြည့်တဲ့အခါ အင်တာဗျူး​ဖြေဆို​ နေစဥ်အတွင်း ကျွန်​​တော်ထိုင်​နေ​သော ဆုံလည်ကုလားထိုင်ကို နှဲ့​နေခဲ့တဲ့ အပြုမူတစ်ခုကို ​သတိထားမိခဲ့ပါတယ်။ ​ဖြေဆို​နေစဥ်အချိန်မှာ​သတိမထားမိလိုက်တဲ့ အပြုမူဖြစ်​ပေမဲ့ ​ဖြေဆိုပြီးတဲ့အခါပြန်လည်သုံးသပ်ပြီး ထိုအပြုမူကို​ နောက် အင်တာ ဗျူးများ အတွက် ထပ်မဖြစ်အောင် ပြင်ဆင်ခဲ့ပါတယ်။

အင်တာဗျူးတစ်ခု​ဖြေဆိုပြီးတဲ့အခါတိုင်းမှာလဲ နောက်တစ်ခါ ဒီမေးခွန်းမျိုး နောက် အင်တာဗျူးမှာ ငါ့ကိုမေးလာခဲ့ရင် ငါဘယ်လိုပြန်ဖြေမလဲ... အခု ငါဖြေလိုက်တဲ့ အဖြေကကော တကယ် ပြီးပြည့်စုံတဲ့ အဖြေမျိုးလား ❓စသော . . .မေးခွန်းတစ်ခုတိုင်းကို ​နောက်တစ်ခါ​ဖြေရင် ဒီ့ထက်ဘယ်လို​ကောင်းမွန်​သော အ​​ဖြေ ၊ စကားလုံးသုံးပြီး ​ဖြေနိုင်မလဲကို ပြန်လည်သုံးသပ်ကြည့်ပါတယ်။

ဒီလိုအင်တာဗျူးတစ်ခု ​ဖြေပြီးတိုင်း ပြန်လည် သုံးသပ်ရင်း ဖြေဆိုခဲ့တာ​ကြောင့် အင်တာဗျူးများမှာ မိမိလိုချင်တဲ့ရလာဒ်များရလာခဲ့သလို၊ တချို့အင်တာဗျုူး​တွေမှာ မိမိနဲ့အဆင်မ​ပြေတာ​ကြောင့် မလုပ်ဖြစ်​ပေမဲ့ အင်တာဗျူးရလာဒ်​ကောင်း​တွေကိုပိုင်ဆိုင်လာခဲ့ပါတယ်။

အဲ့ဒါ​​ကြောင့် အင်တာဗျူးတစ်ခု​ဖြေပြီးတိုင်းမှာ ပြန်လည်သုံးသပ်ပြင်ဆင်နိုင်ဖို့ အားလုံးကို Knowledge sharing တစ်ခုအဖြစ် တင်ပြ​ပေးလိုက်ပါတယ်။

သင့်အ​နေနဲ့ ယုံကြည်စိတ်ချရ​သော Company တိုက်ရိုက် အလုပ်ကိုင်များကို JOIM Platform များမှတဆင့် တိုက်ရိုက်ကြည့်ရှု​လျှောက်ထားနိုင်ပြီဖြစ်ပါတယ်။

🔹𝗝𝗢𝗜𝗠 𝗪𝗲𝗯𝘀𝗶𝘁𝗲 
🔹𝗝𝗢𝗜𝗠 𝗙𝗮𝗰𝗲𝗯𝗼𝗼𝗸 𝗣𝗮𝗴𝗲  
🔹𝗝𝗢𝗜𝗠 𝗧𝗲𝗹𝗲𝗴𝗿𝗮𝗺 𝗖𝗵𝗮𝗻𝗻𝗲𝗹  
🔹𝗝𝗢𝗜𝗠 𝗟𝗶𝗻𝗸𝗲𝗱𝗜𝗻 𝗣𝗮𝗴𝗲 
🔹𝗝𝗢𝗜𝗠 𝗩𝗶𝗯𝗲𝗿 𝗖𝗵𝗮𝗻𝗻𝗲𝗹  

ကောင်းမွန်သော အလုပ်အကိုင်လေးများ ရရှိနိုင်ကြပါစေခင်ဗျ။
JOIM Teams ❤️

Share this Blog?