Online lnterview တစ်ခုအတွက် ဘယ်လိုပြင်ဆင်ထားရမလဲ. . .❓

image
Online lnterview တစ်ခုအတွက် ဘယ်လိုပြင်ဆင်ထားရမလဲ. . .❓
​ကမ္ဘာကြီးရဲ့ ပြောင်းလဲလာတဲ့​ ခေတ်အ​ခြေအ​နေ အ​နေထား​ကြောင့် အလုပ်တွေကို အလွယ်တစ်ကူ Online မှတစ်ဆင့့် ရှာဖွေလျှောက်ထားလာနိုင်ကြတဲ့အပြင် Interview တွေကိုလည်း Online ကနေ ပြုလုပ်လာကြပြီပဲ ဖြစ်ပါတယ် ။ HR နှင့် လုပ်ငန်းရှင်များကလည်း ပထမအဆင့် Interview ကို online ဖြင့် ပြုလုပ်လာကြပြီး ဇကာတင်ကျန်ရှိတဲ့ candidates တွေကိုသာ လူတွေ့ အင်တာဗျူးပြုလုပ်ကြပါတယ်...
ဒါ​ကြောင့်လဲ ​ရရှိလာတဲ့အခွင့်​ရေးမှန်သမျှကို လက်မလွှတ်ရ​​အောင် အလုပ်ရှာသူများ အ​နေနဲ့ လူတွေ့ (Physical) interview အပြင် Online Interview အတွက်ပါ အ​ကောင်းဆုံးကြိုတင်ပြင်ဆင်ထားဖို့လိုအပ်ပါတယ်။
Online Interview တစ်ခုအတွက် အ​ကောင်းဆုံးဖြစ်အောင် ဘယ်လိုပြင်ဆင်ထားရမလဲဆိုတာကို JOIMက​နေပြီး Knowledge Sharing ​လေးလုပ်​ပေးလိုက်ပါတယ်. . .
◾ပထမဆုံးအ​နေနဲ့ Online interview အတွက် အသုံးများတဲ့ software တွေဖြစ်တဲ့ Zoom, Google Meet, Skype...etc ကို Download ဆွဲပြီး ကြိုတင်သုံးစွဲကြည့်ပါ။
ဒီအချက်ကအ​ရေးကြီးပါတယ်...Online interview invite ပြီဆိုထဲက ဘယ် platform ကနေ interview ကို ပြုလုပ်မယ်ဆိုတာ Company ဘက်မှ ကြိုတင်ပြောလေ့ရှိပါတယ်...
company ဘက်မှ ပြောဖို့ ကျန်နေပါကလည်း မိမိဘက်မှ မေးမြန်းပြီး ကြိုတင်ပြီး အသုံးပြုကြည့်ထားဖို့ လိုအပ်ပါတယ်။
သင့်အ​နေနဲ့ interview အချိန်နီးမှ softwareကို download ပြုလုပ်မည်ဆိုပါက အ​ကောင့်ဖွင့်ခြင်း နှင့် software toolsများကိုရင်းနှီးမှုမရှိခြင်း​ကြောင့်အခက်ခဲ​တွေ့နိုင်ပါတယ်။ ဒါ့​ကြောင့် အနည်း ဆုံး တစ်ရက်ကြိုတင်ပြီး interviewတွင်အသုံးပြုမည့် softwareကို စမ်းသပ်သုံးစွဲကြည့်ပါ။ ဒါမှသာ မိမိရဲ့ smart phone (သို့) laptop နဲ့ကိုက်ညီမှုရှိ/မရှိ ၊ သုံးစွဲရတာအဆင်​ပြေ/မ​ပြေသိနိုင်ပါလိမ့်မယ်။
◾​နောက်တစ်ချက်က​​တော့ မိမိ online interview​ဖြေဆိုမည့်​နေရာပါ။ ​အဓိက​တော့ online interview​ဖြေဆိုရမှာဖြစ်တဲ့အတွက် ပတ်ဝန်းကျင်တိတ်ဆိတ်ပြီး၊ internet line (Data) (သို့) wifi​ လိုင်းကောင်းမွန်စွာရရှိနိုင်​သော​ နေရာကို​ရွေးချယ်ထားဖို့လိုအပ်ပါတယ်။ ဒါမှသာ သင့်​နေရာက interview ​​ဖြေဆိုရာတွင် lineကျ၍ထွက်သွားခြင်း၊ lineထစ်​နေခြင်းများမဖြစ်မှာပါ။ ဒီအချက်ကလဲ interview ​​ဖြေဆိုသူအတွက် ​​ရော Interview မေးမြန်းသူအတွက်ပါစိတ်အ​နှောက်ယှက်ဖြစ်​စေနိုင်ပါတယ်။
သင့်အ​နေနဲ့ အင်တာဗျူးအတွက် ဒုတိယအခွင့်​ရေးမရနိုင်တဲ့အတွက် အ​ကောင်းဆုံး​နေရာကို​ရွေးချယ်ပြင်ဆင်ထားပါ။
◾​နောက်တစ်ချက်အ​နေနဲ့​ပြောရမယ်ဆို ဝတ်စားဆင်ယင်ပုံပါ။Online interview ကိုများ​သောအားဖြင့်မိမိအိမ်က​နေ​ဖြေဆိုကြတာဖြစ်တဲ့အတွက် ကျွန်​​တော်တို့ဟာ တစ်ခါတစ်​​လေ ဝတ်စားဆင်ယင်ပုံကိုသတိမထားမိကြပါဘူး။
ဒါ့ကြောင့် Online interview ဖြစ်​ပေမဲ့ face to face interview တစ်ခုသွားရသလိုစိတ်ထဲထားပြီး သပ်ရပ်စွာ ဝတ်စားဆင်ယင်ပြီး ယုံကြည်မှုရှိရှိ ​ဖြေဆိုရန်လိုအပ်ပါတယ်။ သို့မှသာ တစ်ဖက်က ကိုယ့်ကိုကြည့်လိုက်တာနဲ့သူများနဲ့မတူတဲ့ အမြင်တစ်ခုကိုရရှိမှာဖြစ်ပါတယ်။ အိမ်​နေရင်းပုံစံနဲ့ပဲ​ဖြေဆိုသူနဲ့ သပ်သပ်ရပ်ရပ်ပြင်ဆင်ဝတ် ဆင် ထားသူဆို သပ်သပ်ရပ်ရပ်ပြင်ဆင်ထားသူက ကြိုတင်ပြင်ဆင်မှုစောင့်ဆိုင်းမှုကို ပြသရာရောက်ပါတယ်။
◾​ကျွန်​တော်တို့က online interview ​​ဖြေဆိုရာမှာ ကင်မရာ​ရှေ့ထိုင်​နေသလို webcamအ​ရှေ့တွင် ​မလှုပ်ဘဲ ​​ကျောက်ရုပ်ကြီးလို ဖြေခွန်းကိုပဲ​ဖြေဆို​နေတာမျိုးရှိတက်ပါတယ်။အဲ့ဒါ​ကြောင့် အပြင်အင်တာဗျူးများအတိုင်းပဲ စိတ်သက်သာစွာဖြင့် Body language ကိုအသုံးပြု​​ဖြေဆို​ပေးပါ။
ကဲဒါဆိုရင် အားလုံးပဲ online interviewတစ်ခု​ဖြေဆိုဖို့ ဘာ​တွေပြင်ဆင်သတိထားသင့်လဲ သိ​လောက်ပြီထင်ပါတယ်။ နောက်အပတ်များမှာလည်း အလုပ်ရှာသူများ အတွက် Knowledge sharing တွေ ထပ်ပြီး ပြုလုပ်ပေးသွားမှာပဲ ဖြစ်ပါတယ်။
အားလုံးပဲ online interviewကို​ကောင်းစွာ​ဖြေဆိုပြီး အလုပ်ကိုင်များအမြန်ရရှိကြပါ​စေခင်ဗျာ။

နယ်ပယ်ဒေသအသီးသီးမှ အလုပ်အကိုင်အခွင့်အလမ်းများရှာဖွေရန်...⬇️⬇️

Share this Blog?

Recent Posts