စိတ်ဖိစီးများတဲ့ အလုပ်မှာ မပျော်တော့တဲ့အခါ ဘယ်လိုရင်ဆိုင်​ ဖြေရှင်းမလဲ.....???

စိတ်ဖိစီးများတဲ့ အလုပ်မှာ မပျော်တော့တဲ့အခါ ဘယ်လိုရင်ဆိုင် ဖြေရှင်းမလဲ.....???

ကျွန်တော်တို့ဟာ အကြောင်းအရင်း အမျိုးမျိုးကြောင့် လုပ်ငန်းခွင်အတွင်း စိတ်ဖိစီးမှုများပြီး မပျော်ရွှင်တော့တဲ့အခိုက်အတန့်လေးတွေ တွေ့ကြုံရနိုင်ပါတယ်.......အဲ့လိုအချိန်တွေကြုံတွေ့လာတဲ့အခါ မိမိရဲ့စွမ်းဆောင်နိုင်ရည် အရည်အချင်းများလျော့ကျလာပြီး ထိုလုပ်ငန်းမှာ အခြားသူများနှင့်ဆက်လက်ရှိနေဖို့လည်းခက်ခဲလာနိုင်ပါတယ်.......နောက်ဆုံး မပျော်ရွှင်ရသောလုပ်ငန်းခွင်ကို စွန့်လွှတ်ဖို့အထိဖြစ်လာပါတယ်။

သို့သော်လဲ သင့်အနေနဲ့ တစ်ခြားသောအခက်ခဲများကြောင့် စိတ်ဖိစီးမှုများပြီး မပျော်ရွှင်ရသောလုပ်ငန်းခွင်ကို စွန့်ခွာဖို့လည်း မဖြစ်နိုင်သေးတဲ့အခါ အောက်ပါအချက်များကိုလုပ်ကြည့်ပါ။

အားလပ်ရက်မှာအပြည့်အဝအနားယူပါ။
သင့်ရဲ့အားလပ်ရက်တွေမှာ သင့်ရဲ့အလုပ်အကြောင်း လုံးဝမတွေးဘဲ အားလပ်ရက်ကို အပြည့်အဝအနားယူပါ။

မိမိကြိုက်နှစ်သက်ရာလုပ်ပါ။
သင့်ရဲ့အားလပ်ရက်တွေမှာ စာဖတ်ခြင်း Drama၊ Movieကြည့်ခြင်း၊ shopping ထွက်ခြင်း၊ ဘောလုံးကန်ခြင်း၊ Game ကစားခြင်း စသဖြင့် သင်ကြိုက်နှစ်သက်ရာပြုလုပ်ခြင်းဖြင့် ပျော်ရွှင်စွာကုန်ဆုံးပါ။

မိမိချစ်ခင်နှစ်သက်သူ၊ သူငယ်ချင်း၊ မိတ်ဆွေများနှင့်တွေ့ဆုံပါ။
အားလပ်ရက်တွေမှာ မိမိချစ်ရသူ၊ သူငယ်ချင်းမိတ်ဆွေများနဲ့တွေ့ဆုံပြီး လျှောက်လည်ခြင်း၊ မုန့်စားခြင်း ပြုလုပ်ပါ။

ရင်ဖွင့်ပါ။
မိမိယုံကြည်စိတ်ချရသူ၊ မိမိအားအကြံဥာဏ်ပေးနိုင်သူအား လုပ်ငန်းခွင်အတွင်း စိတ်ဖိစီးမှုများ ၊ အခက်ခဲများကို ရင်ဖွင့်ပြောကြားပါ။ အကြံဥာဏ်ကောင်းများတောင်းခံပါ။

ကြိုတင်ပြင်ဆင်ပါ။
မိမိအနေနဲ့ဆက်လက်လုပ်ကိုင်လိုစိတ်မရှိတော့ ရင်တော့ ထိုနေရာမှ အမြန်ဆုံး စွန့်ခွာနိုင်ရန် လုပ်သင့်လုပ်ထိုက်သော ပြင်ဆင်မှုများကို ကြိုတင်ပြင်ဆင်ထားပါ။

အထက်ပါ အချက်တွေကတော့ မပျော်ရွင်တော့တဲ့လုပ်ငန်းခွင်ကနေ ရုန်းထွက်နိုင်မယ့် နည်းလမ်းလေးတွေပဲ ဖြစ်ပါတယ်...

လုပ်ငန်းခွင်ထဲက JOIM's Supporterလေးများအလုပ်အကိုင်များ အဆင်ပြေချောမွေ့ပြီး ၊ အလုပ်မရသေးသော Supporter လေးများလည်း အလုပ်အကိုင်အခွင့်အလမ်းများ အမြန်ဆုံးရရှိပါစေကြောင်း ဆုမွန်ကောင်းတောင်းပေးလိုက်ပါတယ်ခင်ဗျာ....

#Knowledge_Sharing
#JOIM_Team
#Job_Opportunities_in_Myanmar

Share this Blog?