အလုပ်ရပြီဆိုပြီး စိတ်အေးမနေပါနဲ့ဦးဗျ...❗️

image
အလုပ်ခန့်ပြီး  Probation (အစမ်းခန့်ကာလ) ဆိုတာ ကုမ္ပဏီက သင့်ကို အကဲခတ်နေသလို၊ သင်ကလည်း ကုမ္ပဏီကို အကဲခတ်ရမယ့် "စမ်းသပ်ကာလ"ပဲ ဖြစ်ပါတယ်။ဒီ Probation ကာလမှာအလုပ်ဖြုတ်ခံရနိုင်လားဆိုရင်တော့ အဖြုတ်ခံရနိုင်ပါတယ်ဗျ။ ဒါပေမဲ့ ကုမ္ပဏီကောင်းတွေက အကြောင်းမဲ့သက်သက်တော့ မဖြုတ်ပေမဲ့ အလုပ်ဖြုတ်နိုင်တဲ့ အဓိက အကြောင်းရင်း (၃) ချက် ရှိတတ်ပါတယ်ဗျ။
➡️ Poor Performance (လုပ်ရည်ကိုင်ရည် မမီခြင်း) အင်တာဗျူးတုန်းက ပြောခဲ့သလို လက်တွေ့မှာ လုပ်မပြနိုင်တာ၊ သင်ပေးနေတဲ့ကြားက တိုးတက်မှုမရှိတာမျိုးဆိုရင် Probation မအောင်ဘဲ (Permanent ဝန်ထမ်းအဖြစ်ခန့်အပ်ခြင်း မခံရဘဲ) ရပ်စဲခံရနိုင်ပါတယ်။
➡️ Culture Fit (အဖွဲ့အစည်းနှင့် အံမဝင်ခြင်း) Team နဲ့ ပူးပေါင်းဆောင်ရွက်မှုမရှိတာ၊ Attitude (သဘောထား) ပိုင်းဆိုင်ရာ ပြဿနာတက်တာမျိုးတွေက Skill ညံ့တာထက် ပိုအရေးကြီးပါတယ်။ဒီလိုအချက်မျိုးတွေတွေ့ရှိတဲ့အခါမှာလည်း အဖြုတ်ခံရနိုင်ပါတယ်ဗျ။
➡️ Discipline & Attendance (စည်းကမ်းနှင့် ရုံးတက်မှန်ကန်မှု) Probation ကာလမှာ ခွင့်ခဏခဏယူတာ၊ ရုံးနောက်ကျတာ၊ ကုမ္ပဏီရဲ့ စည်းကမ်းကြီးတွေကို ချိုးဖောက်တာမျိုးဆိုရင် ချက်ချင်းအလုပ်ကနေရပ်စဲခံရနိုင်ပါတယ်။
⚠️ Probation ကာလမှာအလုပ်ဖြုတ်ခံရနိုင်တာနဲ့ပတ်သက်ပြီး သိထားရမည့် အချက်တွေကတော့
❗️Notice Period: Permanent ဝန်ထမ်းတွေက အလုပ်ဖြုတ်ခံရရင် ၁ လ ကြိုပြောရပေမဲ့၊ Probation ဝန်ထမ်းတွေအတွက်တော့ ကုမ္ပဏီနဲ့သဘောတူညီထားတဲ့အတိုင်း (ဥပမာ - ၁ ပတ် သို့မဟုတ် ၂ ပတ်) သာ ကြိုတင်အကြောင်းကြားလေ့ ရှိပါတယ်။
❗️ Termination: အကြောင်းပြချက် ခိုင်လုံရင် လျော်ကြေးမပေးဘဲ ရပ်စဲခွင့် ရှိ/မရှိ ဆိုတာ ကုမ္ပဏီနဲ့ညှိနှိုင်းထားတဲ့ပေါ်မှာ မူတည်တဲ့အတွက် သေချာပြန်ဆန်းစစ်ဖို့လိုပါတယ်ဗျ။
💡 Probation ကို ဘယ်လို အောင်မြင်စွာကျော်ဖြတ်ကြမလဲ?
🔹 မသိတာရှိရင် ကိုယ့်ရဲ့စီနီယာကိုပြန်မေးပါ။ (အမှားလုပ်မှာကြောက်ပြီး ကြိတ်လုပ်နေတာထက် မေးတာက ပိုကောင်းပါတယ်ဗျ)။
🔹 ကိုယ့်ရဲ့ စွမ်းဆောင်ရည်နဲ့ပတ်သက်ပြီး Feedback တောင်းပါ။ (ဥပမာ- ၁ လ နေရင် Manager ကို "ကျွန်တော့် Performance လိုအပ်ချက်ရှိရင် ပြောပေးပါ" မေးနိုင်ပါတယ်ဗျ)။
🔹 ရုံးတက်ချိန် ၊ ရုံးဆင်းချိန်ကိုတိကျရပါမယ် ဒီကာလဟာ ကိုယ့်ရဲ့ Performance ပြရတဲ့အချိန်ဖြစ်တဲ့အတွက် အချိန်လေးစားမှုရှိကြောင်းလည်းပြသရပါမယ်ဗျ။
✨ Probation ကာလဆိုတာ ကြောက်ရမဲ့ကာလမဟုတ်ဘဲ ကိုယ့်အရည်အချင်းတွေကို သက်သေပြရမယ့် အခွင့်အရေးတစ်ခုပါပဲဗျ။ 💪

#ProbationTips #NewJob #CareerGrowth 
#WorkplaceCulture #ProfessionalDevelopment 
#JobSecurity #PerformanceReview 
#Hiring #CareerGoals #JOIM
#Company_Direct_Job_Sharing
#Job_Opportunities_in_Myanmar

Share this Blog?

Recent Posts