တိုးတက်မှုမရှိဘဲ ဘာကြောင့်ဒုံရင်းကဒုံရင်းပဲဖြစ်နေရတာလဲ…❓

image
Social Media တွေ ၊ စာအုပ်တွေမှာ တိုးတက်စေဖို့ Tips တွေ ၊ Knowledge Sharing တွေကိုဖတ်ဖြစ်ကြမှာပါ။

ဒါပေမယ့် ဘာကြောင့်လိုက်မလုပ်နိုင်ကြတာလဲ❓
ဘာကြောင့်အဆုံးထိ ဆက်မလုပ်နိုင်ကြတာလဲ❓
ဒီလိုမျိုးဘာကြောင့်ဖြစ်ရတာလဲ ❓

ခြုံငုံကြည့်မယ်‌ဆိုရင်တော့ Self Discipline မကောင်းတာလို့ပဲပြောရမှာပဲဗျ။ Self Discipline အကြောင်းကိုတော့ရှေ့အပတ်ကတင်ခဲ့ပြီးပြီမလို့ ဒီ Link လေးကနေဖတ်ရှုနိုင်ပါတယ်ဗျ။

ဒုံရင်းကဒုံရင်းပဲဖြစ်နေတဲ့အကြောင်းအရင်းလေး တွေကတော့ ….
1️⃣ ကြောက်ရွံတာ 
လူပြောခံရမှာ ၊ မအောင်မြင် မှာကြောက်တဲ့အတွက် စမလုပ်ရဲတာမျိုးတွေလည်း ရှိပါတယ်ဗျ။

2️⃣ ကိုယ့်ကိုကိုယ် ယုံကြည်မှုအားနည်းတာ
မဖြစ်နိုင်လောက်ဘူး။ မလုပ်နိုင်လောက်ဘူးဆိုပြီး အမြဲတွေးနေတက်တာတွေကြောင့်လည်း မတိုးတက်တာမျိုးလည်းဖြစ်နိုင်ပါတယ်။

Comfort Zone ထဲကနေရုန်းမထွက်နိုင်တာ ၊ ဆင်ခြေပေးလွန်းတာမျိုးတွေကြောင့်လည်း ဖြစ်တတ်ပါတယ်ဗျ။
 
 ဒီလိုအကျင့်တွေကိုဘယ်လိုပြင်ဆင်ကြမလဲ❓

🔹 အရင်ဆုံးကိုယ်ဘာဖြစ်ချင်လဲသိဖိုလိုပါတယ်ဗျ။ဒီအတွက်တိကျသေချာတဲ့ရည်မှန်းချက် ၊ ကိုယ်တကယ်လိုက်လုပ်နိုင်တဲ့ Plan ချထားဖို့လိုပါတယ်။ 

🔹 2 Minutes Rule - ကိုယ်လုပ်မည်လို့ Plan ချထားတဲ့အရာကို  2 မိနစ်အတွင်းထလုပ်လိုက်တာက အလုပ်စလုပ်ဖြစ်တဲ့အပြင် ဆက်လုပ်စေဖို့အရှိန်ရစေမှာပဲဖြစ်ပါတယ်ဗျ။

🔹 ထိရောက်တဲ့ Plan အနေနဲ့  SMART  ပုံစံ ရည်မှန်းချက် Plan ရေးဆွဲပါ။ 
SMART ပုံစံရည်မှန်းချက်ဆိုတာ ကိုယ်လိုချင်တဲ့ပန်းတိုင်ကို ထိရောက်စွာအကောင်အထည်ဖော်နိုင်စေတဲ့ နည်းလမ်းပဲဖြစ်ပါတယ်။

➡️ S (Specific) ရှင်းလင်းသတ်သတ်မှတ်မှတ်ရှိတဲ့ ရည်မှန်းချက်  ( ဥပမာ- ကျန်းမာရေးကောင်းချင်တယ်ဆိုတာထပ် တစ်ပတ်ကို 3 ရက် လမ်း 30 မိနစ်လျှောက်မယ် ဆိုတာမျိုးပဲဖြစ်ပါတယ်။ )

➡️ M (Measurable) တိုင်းတာနိုင်ခြင်း ( ဥပမာ- ပိုက်ဆံစုမယ်ဆိုတာထပ် တစ်လကို တစ်သိန်းရအောင်စုမယ်ဆိုတဲ့ အတိအကျတိုင်းတာလိုရတဲ့ရည်မှန်းချက် ) 

➡️ A (Achievable)  ကိုယ်တကယ်လုပ်နိုင်တဲ့ ရည်မှန်းချက် ( တစ်လအတွင်းပေါင် 50 ကျရမယ်ဆိုတာထပ် တစ်လအတွင်း 5 , 10 ပေါင်ကျရမယ်ဆိုတဲ့ ဖြစ်နိုင်ပြီး တကယ်လုပ်နိုင်တဲ့ ရည်မှန်းချက်လည်းဖြစ်ရပါမယ်။ )

➡️ R (Relevant) အကျိုးကြောင်းဆီလျော်ခြင်း (ရည်မှန်းထားတဲ့ရည်မှန်းချက်ဟာ ကိုယ်နဲ့ကိုက်ညီမညီ ပြန်လည်သုံးသပ်ရပါမယ်။ English စာသင်တန်းတက်မယ်ဆိုတာထပ် IELTS Band မြှင့်မြှင့်ရဖို့ သင်တန်းတက်တယ်ဆိုတာမျိုးဖြစ်သင့်ပါတယ်။ )

➡️ T (Time-bound) အချိန်သတ်မှတ်ထားခြင်း  ( အလုပ်တစ်ခုလုပ်တဲ့အခါ Deadline သတ်မှတ်မထားရင် အချိန်အကြာကြီးဆွဲမိနေမှာဖြစ်သလိုအကောင်အထည်ဖော်နိုင်ဖို့ ကြာမြင်နေမှာပဲဖြစ်ပါတယ်။ ) 

ဒီနည်းလမ်းလေးတွေအသုံးပြုပြီးတိုးတက်မှုလမ်းကြောင်းကိုသိလျက်နဲ့မလုပ်ဖြစ်လို ဒုံရင်းကဒုံရင်းပဲဖြစ်နေတဲ့ အခြေအနေလေးတွေကနေကင်းလွတ်လာနိုင်မှာပဲဖြစ်ပါတယ်ဗျ။

#LevelUpYourLife #BeYourBestSelf #PersonalDevelopment #MotivationDaily #PlanYourSuccess
#JobOpportunities #CareerGrowth #JOIM #JOIM_Team #Job_Opportunities_in_Myanmar

Share this Blog?

Recent Posts